aber das isch itz vom tisch. drumm mache mer der zwöit schritt. das bimbambum mues wägg. drumm rüeft "suppe vouk palaver" uuf, e schritt witer zgaa. aui wo o derfür sii, das di türm wäg muesse, wo scho immer der gsung sunntigsschlaaf schtööre, söue sofort üsere "suppe vouk palaver" biiträtte u üsi vouksinitiative gäge chiletürm ungerschribe. di initiative verlangt, das nach aanäh vo der initiative ersch mau innert eme monet aui glogge ufhöre lüte. bis schpätischtens ime jahr söue de aui glogge gsammlet zur iischmeuzi bracht wärde u zu handgranate u gwehrhüuse verwandlet wärde. vilech chönnt me nachem ablehne vo der chriegsmateriauexportsinitiative ja o täuermiine mache, dademit wäri vilech mee gäut usezhole u schliesslech bruche mer das ja für di liebi ubs zrette. de mues zvouk nid das ganzi desaschter vom letschte jahr zale. u innert 4 jahr söue de o di viereggige türm abgrisse wärde.
es git vili vorteile bim aanääh vo der initiative. me cha am sunntig wider usschlaafe. de chame diräkt am 11i zunere schtange i bäre u mues nid zersch no i de chaute chilebänk hocke. ganz viu aawoner wärde o nümm vom schattewurf vo dene höche türm beläschtiget. u schliesslich verlüüre d'pfaffe a iifluss u chöi nümm so eifach minischtrante rekrutiere u müesse derwäge o nümm gäuder ad opfer zahle.
wär auso derfür isch geit uf üsi houmpäitsch "suppe vouk palaver" u ungerschribt d'initiative. u usserdämm isches aabraacht, das aui das plakat
hie:
usdrucke u überau ufhänke dermit üsi initiative bekannt wirt u proscht zäme.svp sektsion neiPAL
(böse zungen behaupten, dass wir der deutschen sprache nicht mächtig sind. dem ist nicht so. wir schützen uns vor allem ausländischen einfluss und bewahren das tüppisch schwizzerische.)
